Don Inorrez

Bide Ertzean taldeak atseden mugagabea iragarri zuen 2016ko abenduan, eta Imanol Ubedak, taldeko abeslariak, Karlos Arancegui bateria-jotzailearekin batera beste bide bati ekin zion orduan.

Beraz, Ubedaren alter ego bat baino zerbait gehiago da Don Inorrez, aipatutakoez gain, Mikel Irazoki baxu-jotzailea eta Ruben Caballero gitarristak osaten baitute taldea.

Paco Locok ekoitzitako hiru diskoren ondoren, 2022an Don Inorrezek Sastraka / Maleza lanean parte hartu zuen, Erein argitaletxeak argitaratutako artefaktu literario txalotuan. Bertan parte hartu zuten Pello Lizarralde idazleak, Jose Ignacio Agorreta margolariak eta Imanol Rayo zinemagileak.

Lugaritzen eskainiko duten emanaldian lan hauetako hainbat kanta eskainiko dute.